Azərbaycan İsraildən raket və təyyarələri aşkar etmək üçün istifadə olunan "Sky Dew" aerostatını alıb.
Sosial.tv "Unikal.az"-a istinadən xəbər verir ki, İsrail istehsalı olan "Sky Dew"un əsas missiyası aşağı səviyyədə uçan qanadlı raketləri, dronları və digər qabaqcıl hava vasitələrini qabaqcadan aşkar edə bilir.
ABŞ və İsrail arasında birgə layihə olan aerostat uzaq məsafələrdə olan obyektləri aşkar etməyə qadir olan AESA (Active Electronically Scanned Array) radarı ilə təchiz edilib. O, bir neçə gün fasiləsiz müşahidə apara və 500-ə qədər hədəfi izləməyə qadirdir.
O, maksimum 4,700 metr (15,000 fut) hündürlükdə saxlaya bilən kabel ilə təmin olunub. Həmin yüksəklikdə böyük bir aerostat iki tonluq yükü daşıya bilər. Kabel həm də enerji verir, bu o deməkdir ki, yerə endirilməzdən əvvəl hər dəfə təxminən 30 gün havada dayana bilir. Çox vaxt iki radarla havaya qaldırılır. Biri müşahidə üçündür, digəri isə dəqiq iz və işıqlandırma radarıdır (PTIR). Müşahidə radarı uzun mənzilli əhatə dairəsini (400 kilometr və ya daha çox) təmin edir, birdən çox hədəfi izləyə bilən PTIR isə maraq obyektlərinə fokuslana bilir.
Sistemin dəyəri onun ölçüsündən, radarın və digər sensorların imkanlarından asılı olaraq hər biri 10 milyon dollardan 100 milyon dollara qədər dəyişir.
Qeyd edək ki, Fransa bu yaxınlarda Ermənistana 250 km-ə qədər müşahidə edə bilən GM200 radar stansiyaları vermişdi.
