Bakıda vətəndaşların bank kartlarından ümumilikdə 4188 manat oğurluq edən qadın saxlanılıb.
Bu barədə Musavat.com Daxili İşlər Nazirliyinə istinadən məlumat verib.
Qeyd edilib ki, aprelin 6-da paytaxt sakini olan qadının bank kartından 335 manatının oğurlanması barədə Nərimanov RPİ-nin 17-ci Polis Şöbəsinə məlumat daxil olub.
Polis əməkdaşlarının keçirdikləri tədbirlərlə oğurluq əməlində şübhəli bilinən A.Hüseynova qısa müddətdə müəyyən olunaraq saxlanılıb.
Onun daha bir nəfərin bank kartından 3853 manat vəsait oğurlaması da məlum olub.
Hazırda araşdırma aparılır.
