Qanunsuz yolla keçirilən külli miqdarda tütün məhsulları saxlanılıb

KRİMİNAL 19 noy 2022, 11:27 124
 Külli miqdarda siqaret portağal yeşiklərinin arasında xüsusi üsulla gizlədilib.
Bu barədə Dövlət Gömrük Komitəsinin Mətbuat və İctimaiyyətlə Əlaqələr İdarəsi məlumat yayıb.
Belə ki, Əməliyyat-İstintaq Baş İdarəsi tərəfindən həyata keçirilən tədbirlər nəticəsində hüquqi şəxs “Suma-94” MMC-nin İrandan idxal etdiyi portağal yükünü daşıyan 99-DE-312 / 99-ZB-124 dövlət nömrə nişanlı yük avtomobilinə Xocəsən gömrük postunda baxış keçirilib.
Baxış zamanı portağal məhsulunun içərisindəki 198 ədəd plastik yeşiklərdə, məhsuldan fərqlənməməsi üçün portağal meyvəsinin təsviri olan 3D formatlı kağıza bükülü vəziyyətdə gömrük nəzarətindən gizlədilmiş, Azərbaycan Respublikasına məxsus aksiz markası ilə markalanmamış 23 846 qutu “Kent”, 7 980 qutu “Marlboro”, 500 qutu “Parliament”, 15 000 qutu “Milano” və 90 qutu “Senator” markalı olmaqla, ümumilikdə 948 320 ədəd siqaret aşkar edilərək götürülüb.
Bu qanunsuz əməllərin törədilməsində iştirakı olan şəxslərin dairəsinin müəyyənləşdirilməsi üzrə tədbirlər davam etdirilir.

DİGƏR XƏBƏRLƏR

Loading
XƏBƏR LENTİ
Top