Sərhəddə hərəkət sxemi dəyişdirilib

XARİCİ SİYASƏT 10 noy 2022, 11:48 99
  Rusiya Nəqliyyat Nazirliyi mətbuat xidmətinin məlumatına görə, Azərbaycanla sərhəddə yerləşən Yaraq-Kazmalyar keçid məntəqəsində Rusiyaya gedən iritonnajlı yük maşınlarının çoxluğu ilə əlaqədar olaraq hərəkət sxemi dəyişdirilib.
“Azərbaycandan Rusiyaya gedən yük avtomobillərinin sayının artması ilə əlaqədar noyabrın 17-nə kimi Yaraq-Kazmalyar avtomobil buraxılış məntəqəsində müvəqqəti olaraq hərəkət qrafiki dəyişdirilib”, - məlumatda deyilir.
Yük daşımaları üçün bütün altı zolaq avtomobillərin Rusiyaya daxil olması üçün istifadə olunur.
"Yük avtomobillərinin Rusiya ərazisindən Azərbaycana çıxışı üçün qonşu Tagirkent-Kazmalyar keçid məntəqəsindən istifadə etmək tövsiyə olunur. Tağırkənt-Kazmalyarda yük avtomobillərinin qeydiyyatı giriş üçün iki, çıxış üçün iki hərəkət zolağında aparılır", - Nazirliyin mətbuat xidməti əlavə edib.
Yaraq-Kazmalyar Şimal-Cənub nəqliyyat dəhlizinin sərhədindən əsas avtomobil keçidlərindən biridir. Sərhəd keçid məntəqəsi Azərbaycan, İran, Hindistana tranzit, malların ixracı və idxalının təmin edilməsində strateji əhəmiyyətə malikdir.
(mənbə Report)

DİGƏR XƏBƏRLƏR

Loading
XƏBƏR LENTİ
Top