Gəncə-Göygöl avtomobil yolunda üç avtomobilin iştirakı ilə yol-nəqliyyat hadisəsi baş verib.
Sosial.tv "Report"a istinadən məlumat verir ki, "İsuzu" markalı sərnişin avtobusu, "VAZ-2107" və "Passat" markalı avtomobillər toqquşub.
Qəza nəticəsində beş nəfər xəsarət alıb və yaralılar xəstəxanaya yerləşdiriliblər.
Hadisə nəticəsində yolda tıxac yaransa da, sonradan nəqliyyat vasitələrin hərəkəti bərpa edilib.
Faktla bağlı araşdırmalar aparılır.