Xəbər verdiyimiz kimi, İsrail ordusu aprelin 1-də Suriyanın Dəməşq şəhərindəki İran konsulluğunun binasına hava hücumu həyata keçirib. Hadisə nəticəsində İran İnqilab Keşikçiləri Korpusunun (SEPAH) ikisi general olmaqla 7 üzvü həlak olub. Hücumdan 13 gün sonra İran cavab addımı atıb.
Musavat.com “The New York Times”a istinadən xəbər verir ki, İranın İsrailə hücumu ilə bağlı yeni detallar məlum olub.
Nəşrin mənbələrinə istinadən yaydığı məlumata görə, İran İsrailə 185 PUA və 36 qanadlı raket atıb.
İranın İsrailə atdığı raketlərin bəzilərinin İordaniyanın paytaxtı Əmmanda vurulduğu bildirilir.
